• 
• 
• 
• 
• 

Adierazpena Madrilen izandako atentatuen aurrean

Udalbiltza - 2004/03/11

Julian EIZMENDI, UDALBILTZAren Lehendakaria eta Azpeitiko Alkatea, Erakunde honen alde lanean ari diren Euskal Herriko Udal Hautetsi guztien izenean, gaur goizean Madrilen izandako atentatuaren aurrean zera adierazi nahi du:

1.- UDALBILTZAk tinkotasun osoz gaitzetsi nahi du gaur goizean Madrilen izan den atentatua; aldi berean, bere dolumin, gertutasun eta elkartasun osoa adierazi nahi die eraginak jasan dituzten senitartekoei eta, oro har, Madrilgo herriari.

2.- Dena dio ETA izan dela atentatu honen arduraduna; horrela ez bada, ETAk aukera ezin hobea du, berehala, beraiek izan ez direla ezeztatzeko. ETAri berehala zerbait esatea exijitzen diogu.

3.- ETA ez du Euskal Herria ordezkatzen; ez ditu euskaldunak eta euskal hiritarrak ordezkatzen. Euskal Herria eta euskaldunok ez dugu ETA maite eta desagertzea eskatzen diogu.

4.- ETAk bere bidetik jarraitu nahi badu, argi eta garbi, Euskal Herriaren kontra ari dela esan nahi diogu. Jarraitzeko asmoa badu, bere sigletatik `Euskadi´ eta `Askatasuna´ hitzak kentzea exijitzen diogu.

5.- Euskal Herria eta euskal hiritarrok pertsona guztien giza eskubide osoak errespetatzen, askatasun osoz eta bide demokratikoak, eta soilik demokratikoak, erabiliko ditu bere etorkizuna erabakitzeko.






Euskal Herrian, 2004ko martxoaren 11ean