• 
• 
• 
• 
• 

FEVAKO_LEHENDAKARITZA

FEVAko lehendakaritza

Diaspora - 2008/02/29

Argazkia 1 / 1

Felipe Eiheragibel eta Alejo Martin aurkeztuko dira FEVAko lehendakaritzara martxoaren 15eko hauteskundeetan.

FEVA edo Eusko Argentinar Bazkun Alkartasunaren hauteskundeak inoiz baino biziago datoz, lehen aldiz lehendakaritzarako eta beste kargu esanguratsuetarako bi hautagaitza aurkeztu direlako. Felipe Eiheragibel, aurreko zuzendaritza batzordeko idazkaria, 'Por una FEVA para todos' (Denontzako FEVA baten alde) jarraipen zerrendako lehendakarigaia da. Alejo Martin, aldiz, 'Centros Vascos por la Alternativa' (Euskal Etxeak alternatibaren alde) hautagaitzako burua da.


Lehenengo aldiz bi hautagaitza lehiatuko dira lehendakaritza eskuratzeko datorren martxoaren 15ean. FEVAren zuzendaritza batzordearen zatikako berriztatze honetan lehendakari, idazkari, diruzain, bost batzordekide eta hiru kontu ikuskatzaile aukeratuko dituzte Argentinako euskal etxeek. FEVAko estatutuek agintzen duten bezala, elkarteko batzorde fiskalizatzaileak gaur onartu eta argitaratuko ditu bi hautagaitzen zerrendak. Azken urteetan, FEVAko hauteskundeetara, agintean zegoen zuzendaritzari lotutako hautagaitzak baino ez dira aurkeztu, baina aurten lan egiteko era horrekin hautsi eta molde berriak ekarri nahi dituen hautagaitza alternatibo bat sortu da.




Iturria: www.basqueheritage.com