• 
• 
• 
• 
• 

Seaska, 40 urteren buruan bizirik dirauen ametsa

Hezkuntza / Iparraldea - 2009/04/17

ver video

Seaskak, Ipar Euskal Herriko Ikastolen Elkar- teak, 40 urte bete ditu aurten. Zenbait guraso elkartu ziren 1969an, beren seme-alabek euskaraz ikas zezaten helburuarekin, eta borroka handiko urteak izan ziren ondotik, bilkurak, manifestazioak, kantaldiak... eta, gaur egun hiru lurraldeetako haurren %10 eskolatzen duen egitura bilakatu da Seaska.

Ikastolen sorreraren eta historiaren berri ez dakienak kontuan izango balu Seaska sortu zen hamarkadan Ipar eta Hego Euskal Herrian indarrean ziren egoera politikoak -Estatu frantsesekoa eta espainolekoa, hain zuzen-, pentsa lezake Ipar Euskal Herriko ikastolek ez zituztela Hegoaldekoek izan zituzten trabak topatuko. Diktadura batean herrien hizkuntza, kultura eta izaera bera zapaltzea normala izaten da, baina demokrazia batean uste izatekoa da errespetatu eta babesten dituztela; halere, garai hura bizi izan zuen edo haren berri izan duen edozein euskal herritarrek badaki ez zela halakorik izan, eta badaki gaur egun ere erraztasunak baino oztopo gehiago dituztela ikastolek Ipar Euskal Herrian eta, halaber, Hego Euskal Herriko demokrazia formalean ere euskarazko hezkuntzaren beharrak ez daudela asebeterik.





Iturria: http://www.gara.net/paperezkoa/20090410/131637/eu/Seaska-berrogei-------lan-eta-borroka-urte