Baliorik gabe utzi dute Nafarroako Gobernuak 2006an eginiko irrati lizentzien banaketa. Hala ebatzi du Nafarroako Auzitegi Nagusiko administrazioarekiko auzietako salak. Euskalerria irratia baimenik gabe utzi zuten lehiaketa hartan, eta lehiaketa horren aurkako helegitea aurkeztu zuen Iruñeko euskarazko irratiak. Arrazoia eman dio orain auzitegiak: lizentzia banaketa hura ez zen behar bezala egin, eta, beraz, baliorik gabe gelditu da orduan erabakitakoa. Behin betikoa da epaia, gainera, eta Nafarroako Gobernuak eta Nafarroako Unibertsitate pribatuko abokatuek ez dute helegiterik jartzerik.[+]
Bi egun besterik ez dituzte Nafarroan 6.700 familia inguruk, euren seme-alabak zein hizkuntz eredutan matrikulatuko dituzten erabakitzeko. Izan ere, heldu den otsailaren 5etik 12ra egongo da irekita haur eta lehen hezkuntzako haurrentzako aurrematrikulazio epea. Horren harira, Nafarroako hogei udalen baino gehiagoren artean, D ereduko aurrematrikulazioa sustatzeko kanpaina jarri dute abian. Egitasmo horren barruan, 3 eta 7 urte bitarteko haurrak dituzten herritarrei D ereduari buruzko informazioa eskaintzen duen eskuorria bidali diete etxera. Xanti Quiroga Uharteko euskara teknikariaren irudiko, «D ereduak izan duen ibilbidea aintzat hartzea aski da, baliagarritasuna frogatu ahal izateko».[+]
Ipar Euskal Herrian euskaraz aritzen diren irratiak biltzen ditu federazio horrek: Gure Irratia, Irulegiko Irratia, Xiberoko Botza eta Antxeta Irratia. Irrati horiek guztiak eta saio nagusiak entzuteko aukera dago webgune berrian.[+]
Baionan EITBrako ari diren zazpi langileetatik seik kanporatze gutuna jaso dute edo egunotan helduko zaie.
1992ko irailetik, arratsaldero Ipar Euskal Herriko albisteak eman ditu Iparraldearen orena saioak, 18:00etatik 18:05era (egun Guillaume Irigoien da aurkezlea). Udaberrian, ordea, programa kendu egingo dute, eta haren ordez, larunbatetan ordu erdiko saio bat eginen dute Ipar Euskal Herriaren inguruan.[+]
Sostengu zerrenda luzatuz doa, eta orain arte jasan erasoekin 700 orriko 'Liburu beltza' osatu berri dute.[+]
Datorren larunbata New York Estatu Batuetako euskal diasporaren erdigune bilakatuko da, hainbat jende bilduz Ellis Island-en egingo den euskal erakusketaren inauguraziora. Hitzordua ez da edonolakoa izango, batetik lekuagatik, erakusketa leku oso berezi batean kokatu baita, hala nola 1892 eta 1954 artean Europatik estatubaturatutako 12 milioi emigranteren derrigorrezko pasagune, galbahe eta sofrikario ere izan zen lekuan, gaur egun turismo gune bihurtua, Askatasunaren Estatuaren ondoan (300.000 bisitari bil ditzakeela pentsatzen da); eta, bestetik, erakusketa beragatik, eskaintzen duen informazioagatik eta euskaldunak ez diren bisitari horien begietara ekarriko dituelako -seguruenik lehenengoz- euskaldunak, zein diren eta euren kultura, euskal emigrazioaren fenomenoa eta lehengo eta egungo Euskal Herriaren eta euskal-amerikar egitatearen izaera eta errealitatea.[+]
Malen Barriolak, Iruñeko Frantzisko Deuna Ikastetxeko LHko 5. mailako ikasleak, eta Leyre Unzue Lopezek, Iruñeko Biurdana Institutuko DBHko 4. mailako ikasleak, EKE-Pamiela Mikro-ipuin lehiaketako txapelak jantzi zituzten atzo, lehenengoaren ikastetxean egin zen ekitaldian.[+]
Zinez ikusgarriak iruditu zaizkigu Nafarroako prentsako dekanoak azken egunotan argitaraturiko bi informazio. Cordovillako harrobi agorrezineko bi harribitxi. Hizkuntza ereduei buruzkoa, bata. Nafarroako Unibertsitate Publikoari buruzkoa, bestea. Lehena, astelehenean karrikaratu zuten, azalean, lau zutabera: Nafarroan, urtero bi mila ikasle inguru aldatzen dira hizkuntza ereduz. Azpititular guztiz argigarria: Haietatik %82k euskararekin dituzte arazoak eta A eredutik Gra aldatzen dira. Noiz argitaratuko halako goiburua eta, kurioski, aurrematrikulazio kanpaina abiatzear dela.[+]
Horixe da, hain zuzen ere, Larunblai programako bultzatzaileek luzatzen duten erronka. Haur eta gazteak lagunartean euskaraz ari daitezen ekimen hau Atarrabian sortu zen Karrikaluze elkartearen eskutik eta Udalbideren laguntzarekin. Egitasmoa hazi eta zabaldu egin da eta gaur egun Topaguneak kudeatzen duen programa interesgarri bilakatu da.[+]
Espainiako Industria Ministerioak bigarren multiplexa baimendu du Nafarroarentzat Euskal Telebista LTDaren bidez ikus dadin. Orain, bestelako erabakiak Nafarroako eta Euskal Autonomia Erkidegoko gobernuen esku daude.[+]
| AS | AS | AS | OS | OS | LA | IG |
|---|---|---|---|---|---|---|
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 31 |
