Boiseko Euskal Museo eta Kultur Etxeko zuzendari den Patty Miller euskalamerikarrak 'Idaho Humanities Council' erakundearen sari berezia jasoko du otsailaren 19an, bere ekarpen ezohikoarengatik eman baitio izen bereko erakundeak urtean behin banatzen duen ohore berezi hau, Humanitateen alde eta Idahoko euskal kultura eta historia gordetzen eta zabaltzen egindako etengabeko ahalegina aintzat hartuz. Estatuan euskal jatorriko pertsona bati lehenengoz egotzi zaion sari hau ekitaldi ireki batean emango zaio, Boiseko Euskal Etxearen egoitzan, otsailaren 19ko arratsaldeko zortzietan, agintari, herritar eta lagunez inguratuta.[+]
Datorren larunbata New York Estatu Batuetako euskal diasporaren erdigune bilakatuko da, hainbat jende bilduz Ellis Island-en egingo den euskal erakusketaren inauguraziora. Hitzordua ez da edonolakoa izango, batetik lekuagatik, erakusketa leku oso berezi batean kokatu baita, hala nola 1892 eta 1954 artean Europatik estatubaturatutako 12 milioi emigranteren derrigorrezko pasagune, galbahe eta sofrikario ere izan zen lekuan, gaur egun turismo gune bihurtua, Askatasunaren Estatuaren ondoan (300.000 bisitari bil ditzakeela pentsatzen da); eta, bestetik, erakusketa beragatik, eskaintzen duen informazioagatik eta euskaldunak ez diren bisitari horien begietara ekarriko dituelako -seguruenik lehenengoz- euskaldunak, zein diren eta euren kultura, euskal emigrazioaren fenomenoa eta lehengo eta egungo Euskal Herriaren eta euskal-amerikar egitatearen izaera eta errealitatea.[+]
Antton Espelosin sunbildarrak, berriki kaleratu du, aizkolaritzaren azken 60 urteetako historia.
4 kilo pisatzen dituen liburuan, material zinez aberasgarria topa daiteke, txapelketak, pasadizo bitziak, protagonisten testigantzak... ilustrazio bikainekin osatua.
Liburuaren argitarapenean UDALBIDE Elkarlan Elkarteak eta Diario de Noticias egunkariak hartu dute parte, besteak beste.[+]
Internet bidez irratsaioak zuzenean emititzen dituzte eta elkarrizketak berriro entzuteko aukera jarri du. Webgune funtzionala eta parte-hartzailea sortu nahi izan dute, zuzendariaren esanetan. Irratia ingelesez edo gazteleraz izango balitz, Nafarroako Gobernuak sekulako diru laguntzak emango lizkioke.[+]
Euskal jatorriko Ron Parraguirre epaile nevadatarra estatu honetako Gorte Goreneko Justizia Buru izango da egun gutxi barru, 2010ean, orain arte zeregin horretan ibili den James Hardesty jujearen lekua hartuz zazpi kideko gorte honen buruzagi gisa. Urtero berritzen den Epaimahai Goreneko Justizia Burua (chief justice) Estatuko adar judizialaren buru administratiboa da eta gorte goren horretako eleduna.[+]
Euskal Autonomia Erkidegoko Administrazioari dagokionez, albiste eguna izan zen atzokoa Diaspora gaietan, batetik buletin ofizialak Euskal Etxeei eman beharreko 2009ko dirulaguntzen berri ekarri baitzuen eta atzo, baita ere, Jaurlaritzako Gobernu Kontseiluak sei euskal etxe berriren onarpena sinatu baitzuen, horietarik bi orain arte euskal etxeen mapan agertzen ez ziren herrialdetan, hala nola Alemania (Berlin) eta Japonian (Tokyo). Gainerako laurak Argentinan (Buenos Aires), Frantzian (Paue), Brasilen (Itapevi) eta Estatu Batuetan (Santa Fe) onartu ziren.[+]
Eusko Ikaskuntzak 2006tik hona urtero deitu duen ENE (Euskararen Nazioarteko Eguna) izeneko saria, NABO (North American Basque Organizations - Ipar Ameriketako Euskal Erakundeak) Estatu Batuak eta Kanadako euskal etxeak biltzen dituen elkarteari egokitu zaio aurten, 2009ko edizioan. Saria urtero ematen du ezagutzera Eusko Ikaskuntzak Abenduaren 3an, Euskararen Nazioarteko Egunean, eta berau errezibitzeko ospearekin batera, ENE izeneko Nestor Basterretxearen estatuatxoa ere badakar. Zorionak, beraz, NABOko lagunei.[+]
Egin berria da urriaren 26tik, astelehena, azaroaren lehena, igandea, bitartean -gailurra asteburuan-, Bahia Blancan, Buenos Aires probintzian, 2009ko Euskal Argentinar Aste Nazionala. Herrialde osoko hainbat euskal etxe eta euskal gizataldetako kideak bildu dira, Chaco eta Misionestik Patagoniako Santa Cruzeraino, urteko euskal ekintzen artean guztien bilgarri izatearren antolatua den deialdi garrantzitsu honetan.[+]
Iaz euskaraz argitara eman zuen 'Bilbao-New York-Bilbao' eleberriarengatik eman diote Kirmen Uribe idazle euskaldunari Espainiako Narratiba Saria. Espainiako Kultura Ministerioak banatzen duen Sari hau hamabi laguneko epaimahai batek erabakitzen du eta Espainiako estatuko hizkuntza ofizialetako edozeinetan idatzitako liburuak izan daitezke hautagai. Egilea harritu egin zen saria eman ziotela jakindakoan, baina esan zuen oso momentu onean datorkiola, nobelaren gaztelaniazko argitaldaririk gabe baitzebilen eta sariak bultzada berria ekarriko omen dio 'Bilbao-New York-Bilbao'ri.[+]
Egitarau betea izango dute bihar Frankfurten Harkaitz Cano, Karmele Jaio eta Miren Agur Meabe euskal idazleek, goizez mahai inguru batean parte hartzen, atzo hasi zen Liburu Azokaren baitan, eta arratsaldez, Azokako programatik kanpo, argitaletxe alemanek euskal lanak alemanez argitaratzen daramaten ildoko bi izenburu aurkezten, Goethe Unibertsitatean, Euskal Ikaskuntzen Alemaniako Etxea tarteko. Karmele Jaioren 'Mutters Hände' (jatorriz 'Amaren eskuak') eta Harkaitz Canoren 'Pasaia Blues' (izen berekoa euskaraz ere) dira irakurle alemanek zuzenean euren hizkuntzan irakurri ditzaketen aipatu bi azken liburuak eta egileen ahotsek azaldutako aurkezpenean bihar ezagutu ahal izango dituztenak.[+]
| AS | AS | AS | OS | OS | LA | IG |
|---|---|---|---|---|---|---|
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 31 |
